Витали Ҳараниа
Жәҩангәашәԥхьара аԥашәқәа
Аҟәа, 2012
240 с.
Витали Ҳараниа, «Жәҩангәашәԥхьара аԥашәқәа» зыхьӡҵаны, ҿыц аԥхьаҩцәа ишәыдигало ари ашәҟәы аҿгьы, уаанӡа иҭижьхьоу: «Зиаҵәахә ҭамшәаӡо», «Аилыблаара», «Ашьаарҵәыра ашьҭақәа», «Зынасыԥ зцыблыз», «Ашацәа рылԥха» реиԥш, аиҳараӡак изызкугьы, иаанарԥшуагьы аԥсабара амаӡақәа (ауаҩы иԥсабара, иҩныҵҟатә дунеи) роуп. Уи шьаҭас иамоугьы адоуҳа иарҿиаз адинхаҵароуп. Иара аауеит аԥсуаа амарҭаҭра ҳәа изышьҭоу аҟнытә.
Ирацәоуп араҟа ҿыц изызхәыцу, ҿыц иара хаҭалатәи иԥышәа, идырра, иеилкаара ирыдҳәаланы автор иааирԥшуа, лабҿаба ихаҭа иибаз, Ашацәа иҵарҳәаны, ԥхыӡ ҳасаблагьы игәҽанҵагаха дызладырԥшыз, ҳара ҳахьгьы ииаганы ҳазгәылаирԥшуа, ҳахшыҩ ззишьҭуа.
Азныказ иџьазшьо дҟаларгьы алшоит, абарҭқәа зегь ҳара иахьа шьҭа иабаҳҭаху ҳәа, аха адоуҳа иазааигәоу, ҳбызшәаҿы зыԥсы ҭоу иарбанызаалак ахшыҩзцарақәа мыцхәхашьа рымаӡам, урҭ ҳмыцхраауазар, акы иаҳԥырхагахараны иҟам.
Ари наукам, ари адоуҳа ахала иарҿиаз ажәоуп. Ҳазшаз иҵаҳәарала иаԥҵоуп.
Убри аҟнытә, ҳарҭгьы мҩамш ҳәа азаҳҳәоит!
Скачать книгу "Жәҩангәашәԥхьара аԥашәқәа" в формате PDF (5,08 Мб)
